Tanamonews.com - Jikok nak bagala Datuak, handaklah manjadi panghulu labiah daulu, tahu di undang adat sarato takun manjalankan Agamo Islam nan dititahkan Nabi Muhammad Sallallahu Alaihi Wasallam kapado umaiknyo, tidak maniru-niru sajo.
Jikok tidak baguru, jadi datuak alah panghulu balun. Sasuai dengan Nasihaik dari niniak nan tuo-tuo dalam petatah-patitiah adaik nan sangaik tajam.
Handaknyo kito pahami sadalam-dalamnyo, akan mambao kapado hati kito masiang-masiang kieh nan manganduang arti jo makna :
Manembak tibo kahulu
Kanailah ikan jo bilalang
Apolah cupak di panghulu
Iyolah bamain di undang
Badaga badie dari lauik
Bunyinyo badantang cando kabuik
Didalam tapuang maelo rambuik
Kalau tak pandai manjadi kusuik
Babelok rantiang kayu kamaik
Babilah lalu kapangkanyo
Elok kito mamakai adaik
Rundingan adaik elok bicaro
Bajelo-jelo bakandai-kandai
Kulit manih didalam duri
Bakato dengan urang pandai
Labiah manih dari tangguli
Dima jarami ka dikirai
Padi tak rareh ditampuknyo
Dimano nagari ka salasai
Adat jo sarak indak tabao
Rasulullah Sallallahu Alaihi Wasallam bersabda nan aratinyo :
“Tuntut carilah oleh kamu akan orang ahli akal supaya kamu boleh cerdik dan janganlah kamu mendurhakai akan dia dan menyalahi, jika begitu, maka menyesal kamu nanti “.
Sadangkan Rasulullah manyuruah kito baguru, samo dengan kato adaik rang tuo-tuo daulu :
“Jiko duduak jo nan tau, jiko tagak jo nan pandai”,
Kato-kato nan tasabuik, jan lah hanyo manjadi merek sajo.
Sarupo itulah nasihat dari niniak nan tuo-tuo.**
0 Komentar